الرجعة لأهلك”.. ليبيا تبدأ ترحيل السودانيين بالعودة الطوعية
متابعات -السودان الآن– جهاز مكافحة الهجرة غير الشرعية في ليبيا أعلن إنو في ترتيبات جديدة عشان يرجعوا السودانيين لبلدهم ضمن برنامج العودة الطوعية، والموضوع دا جاي تنفيذ لتوجيهات رئيس الوزراء الليبي
الجهاز قال في بيانو إنو اتعمل اجتماع كبير برئاسة وزير الخارجية وبحضور القنصل السوداني في بنغازي والجهات المختصة، واتفقوا يشتغلوا سوا في التنسيق عشان الأمور تمشي بسلاسة
الخطوة الأولى حتكون الكشف الصحي الكامل في مراكز الإيواء، خصوصاً للناس البتعاني من أمراض مزمنة أو معدية، عشان يرجعوا في ظروف آمنة
كمان القنصلية السودانية حتشتغل على استخراج الأوراق الرسمية للمواطنين، وتوفير بيانات كاملة عنهم وأماكن وجودهم، عشان العملية تكون مرتبة ومافيها أي تعطيل
الترتيبات دي جات في وقت صعب على المهاجرين السودانيين في ليبيا، والناس متفائلة إن العودة دي ترجعهم لأهلهم وأسرهم وتوفر ليهم حياة أأمن وأثبت
